В неділю 1-го авґуста навщівив пряшівскый ґрекокатолицькый архієпіскоп і метрополіта Йоан Бабяк село Вырава, де посвятив обновлену Церьков Успенія Пресвятой Богородіці, котра была выбудована у 1863-ім році і є Народнов културнов памятков. Торжество посвячіня обновленого храму было єдночасно і одпустом. По посвящіню церькви владыка Йоан одслужыв архієрейску літурґію, котру вєдно з ним одправляв меджілабірьскый протопресвитер Йоан Блашко і далшы священици, котры в минулости служыли на парохії. Вырава є філіов парохії Светлиці. На кінцю ся владыкови і вшыткым, котры брали на обновліню храму участь, подяковав справця парохії Матєй Бук.

(Медвідь, ISPA)