Вклад за уквартельованя міґрантів будуть выплачати села і міста по тім, што достануть средства од штату. Мають їх мати к діспозиції в наслідуючій місяць по уквартельованю міґрантів. Вклад ся буде доставати лем за тых людей, котры мають выбавленый дочасный притулок. В діскусній релації TA3 В політиці то повів віцепремєр і міністер фінанцій Іґор Матовіч.  Як дале повів Матовіч, села і міста собі будуть вести евіденцію міґрантів в єднотливых домашностях, і то значіть контролювати, ци недоходить к підфуком. Села і міста будуть дале подля Матовіча посылати выказы на резорт внутра, котрый буде перевіряти, ці ся наприклад за єдного міґранта неуплатнює нарок од двох сел ці міст. (TASR, Pkf)