Недалеко памятника павшым воякім Червеной армады у Відні взникли два великы портреты недавно вмершого російского опозичного лідра Алексея Навального. Наспрейованы суть на стіні, котры патрять к фундушу, котрый властнить арістократічна родина бывшого і тыж вмершого міністра заграничных справ Чеськой републикы Карла Шварценберґа. Інформує о тім аґентура AP. Портреты были докінчены вчера, і то на стіні за споминаным памятником павшых совітьскых вояків, котрый быв уж скорше нафарбленый україньскыма народныма фарбами – модров і жовтов – в реакції на російску інвазію на Україну з фебруара 2022-го року. (TASR, Pkf)