Австрійскый канцеларь Карл Негаммер скликав на далшый тыждень засіданя Рады безпекы. Зробив то по тім, як минувшый тыждень быв у Австрії затриманый робітник уж зрушеной домашньой службы безпекы BVT, котрый є підозрілый із шпіонажи. Інфомрує о тім аґентура DPA. Негаммер із конзерватівной Австрійской людовой партії повів, же є потрібне заборонити тому, жебы „російскы шпіонажны сіті“ огрожовали Австрію. Рада ся має зыйти 9-го апріля. Австрійскы уряды затримали в пятніцю бывшого робітника зрушеной службы безпекы з причіны обвинінь із знеужытя прав і тайных інформачных актівностей в неблаго Австрії.

(Медвідь, TASR)