Папа Франциск днесь одсудив забияня цівілістів в україньскім місті Буча, де были в масовых гробох і в улицях міста найджены десяткы тіл. Пресаґентура TASR о тім інформує на основі справ аґентуры AFP і Reuters. “Недавны справы дотуляючі ся войны на Україні принесли намість полегчіня і надії свідчіня о новых крутостях, як є і масакер в Бучі,“ повів Франциск ку кінцю свойой тыжденной ґенералной аудіенції. Франциск ся потім поставив і  роспростер україньску заставу, котру му подля його слов принесли прямо з Бучі. Аґентура AFP позначіла, же застава была шпінава і быв на ній надпис. (TASR, Pkf)