В Пыхнях ліквідують наслідкы по заливах, котры запричінили приваловы доджі через вікенд. До села пришла вчера на поміч і армада. Іщі все є выголошеный третій потоповый ступінь і міморядна сітуація. Як інформовав староста села Юліус Баник, в роботі на оправі драг продовжують з властнов техніков робітници Справы і утримованя драг Пряшівского самосправного краю. Робітници Словацького водогосподарьского поднику надале чістять корыто потока. Вчера ся ку ним придали свойов техніков і вояци. Як інформовав говорця Озброєных сил СР Штефан Земановіч, в Пыхнях помагать 28 вояків з утварів Михаловець, Рожнявы і Пряшова. Староста села Юліус Баник додав, же ся іщі не одважать повісти, кілько буде стояти і як довго буде тырвати робота на ліквідації наслідків залив. (TASR, А.К.)