x

Бомбу з другой світовой войны у Франкфуртї уж знешкоднили

00

Уряды в нїмецькій фінанчній метрополї Франкфурт над Моганом в недїлю передвечером ознамили, же знешкоднили 500- кілову бомбу з другой світовой войны. Операція перебігла успішно, написав на Твітері містьскый гасічскый збор. Брітаньска летецька бомба з другой світовой войны з механічнов розбушков была класіфікована як барз небезпечна. Бомбу нашли у четверь бігом ставебных робот. Покы ю одборници на знешкоднёваня выбушных заряджінь зліквідовали, свої домовы мусило в недїлю рано опустити скоро 13.000 жытелїв. Каждый, кто не мав наградне місце, де бы ся міг дочасно стримовати, достав простор в конференчнім центрі.

(TASR, Шутіова)