Охоронов перед підниманьом цін ґазу є здорова конкуренція меджі додавателями, говорить опозічна SaS, подля котрой монополному ґазовому промыслу на Словакії нич не сперать піднимати ціны. Подля депутата Народной рады Словацькой републікы Карола Ґалека конкуренцію зліквідовав у 2014-ім році Роберт Фіцо, і то дотованьом цін ґазу з дані вшыткых жытелів. Повів то на вчерашній пресконференції в Братіславі. „Тото, што днесь заплатять люди в ціні ґазу, не є конечна ціна ґазу. В припаді SPP навспак платять іщі навеце за ґаз і у своїй дані. Апелуєме з того місця на владу, жебы повіла людям, кілько їх досправды стоїть ґаз, і жебы тото признали і у фактурі од SPP, жебы собі люди знали реално порівнати ціны державного поднику і конкуренції в будучности, кедь тота конечно дістане простор на свій профіт,“ повів Ґалек. Люди подля депутата в реалній ціні ґазу платять і дотацію про SPP, котра іде од державы.
(TASR, Медвідь)