Є час на їднаня демократичных сил о тім, як заборонити предчасным вольбам і перевести вєдно Словакію через найвекшу енерґетічну крізу од другой світовой войны. Выголосив то премєр Едуард Геґер на соціалній сіті  у звязку з ініціятівов  опозичных партій їднати о предчасных  парламентных вольбах. “Є в тім сімболіка, же якраз днесь достав Ріхард Сулік позваня од Роберта Фіца на білатералны їднаня о предчасных вольбах і сполочнім поступі протів днешній владі …,“ увів окрім іншого председа влады. Припомянув, же так перед єденадцятіма роками пала влада Іветы Радічовой.  (TASR, Pkf)