Польща зачала у четверь очковати проти коронавірусу і дїти у віку 5-11 років. Польскый міністер здравотництва Адам Ніедзіелскі повів, же ёго резорт евідує уж 135.000 зареґістрованых термінів на очкованя той віковой катеґорії, інформовала аґентура PAP. Подля Ніедзіельского жыє в Польщі веце як 2,5 міліона дїтей той віковой катеґорії, котры ся можуть дати заочковати. Очкованя дїтей є подля шефа резорту здравотництва безпечне. ,,У дїтей практічно не єствують ниякы неприязны учінкы очкованя,“ повів міністер про польску розгласову станіцю PR1.

(TASR, Шутіова)