Міністерство здравотницьтва одштартовало далше централне обстараваня. Тот раз хоче накупити нову канцеларьску техніку про шпыталі. Такый тіп обстараваня вже резорт схосновав при накупованю ЦТ-чок ці постелей до здравотницькых заряджінь. „Хочеме обновити застарілу техніку, імплементація новой сістемы плачіня DRG собі выжадує адекватну техніку,“ повіла говоркыня міністерства Зузана Еліяшова. Куповати ся будуть новы компютеры, новтбукы, моніторы, скенеры і друкарні. Очекує ся, же цілково піде о заказку за веце як девять міліонів евр без дані із приданой вартости із добов ґаранції накупленой технікы три аж пять років. „Резултатом публічного конкурзу є обстарати компютерову техніку до шпыталів за штонайліпшу ціну,“ повіла Еліяшова.
(Петро Медвідь)