Подяку за сокочіня традіції, жывого языка і културы про молоды ґенерації выразила в Будапешту словеньска презідентка Зузана Чапутова заступцям самосправы і общностей Словаків жыючіх в Мадярьску. ,,Одношіня меджі СР і Мадярьском суть барз важны, є важне, жебы сьме мали надале конштруктівны одношіня єднак як сусідове a єднак як краяне,на теріторії котрых жыють односны меншыны, так як жыєте ту Словаци в Мадярьску,” повіла Чапутова. ,,Є барз важне, што робите про сокочіня нашой културы, єм вам за то барз вдячна. Подобно, як кедь єм была на попереднїх наступных навщівах в Чехії і в Бруселі, на обидвох тых місцях єм ся стрітила зо Словаками, котры жыють в тых містах, тых державах.” ,,Є то про ня барз важне быти в жывім контакті з людьми, котры репрезентують нашу културу і наш народ в інакшых державах,” підчеркла презідентка на конець своёй першой офіціалной навщівы Мадярьска.

( Шутіова,TASR)