Премєр Едуард Геґер у четверь піде на першу загранічну навщіву на посаді председы влады до Чеськой републікы. В рамках офіціалной навщівы наперед стрітить ся з презідентом Чеськой републікы Мілошом Земаном на замку в Ланах. Пак в Крамаровій вілі стрітить ся з чеськым премєром Андрейом Бабішом. TASR о тім інформовало пресове і інформачне одділіня Уряду влады. З Бабішом має премєр їднати о взаємных білатералных односинах, але і о актуалных загранічно-політічных темах. Геґер ся стрітить і з представителями чеського парламенту. Офіціална навщіва буде закінчена положіньом вінця ку гробу незнамого вояка на Народнім цінтерю на Віткові.

(Медвідь, TASR)