Народна далнична сполочность гледать фірму, котра бы про ню забезпечіла превадзку інформачных сістемів. Ціну за заказку одгадує Народна далнична сполочность у вышкі 7,56 міліона евр без дані з приданой годноты і є призначена на період трьох років. Выпливать то з ознаму о выголошенім змаганю, котре было опубліковане у вестнику общого обстараваня. Додаветель бы мав про Народну далничну сполочность забезпечіти вшыткы службы споєны с ходом ІТ сістемів. Тоты загорнюють денноденне, перебігуючі, планованы і оператівны роботы заміряны к забезпечіню превадзкысцгопности гардверовой інфраштруктуры, сістемового середовіска і аплікованой верствы ІТ інфраштруктуры. Інтересуючі можуть предложыти далничній сполочности понукы або жадости о участь в тендрі до 7-ого новембра того рока.
(Петро Кімак-Фейко)