Бетлегемске світло ся помочов скавтів розшырить по цілій Словакії. В часі приходжаючого вікенду ся буде тот сімбол покоя і добра шырити посередництвом влаків по цілій країні. Світло ся посередництвом скавтскых добровольців достане до вецей як 330 словацькых міст ці сел, а то і на місця, де неє пряме влакове споїня. ТАSR о тім інформував коордінатор Бетлегемского світла на Словакії Маріян Сувак. Як далі Маріян Сувак повів, „на влаковых станіцях од суботы будуть чекати скавты а аж до Щедрого дня го будуть розносити в єднотлиьвых містах і селах, до шпиталів, домові соціалных служб і опатровательской службы, азіловых домів, або го прямо принесуть до домів.“ (ТАSR)
Фото: TASR