Можность опарадити і сприємнити свої ареалы школам зась нукать 19. рочник цїлословацькой анкеты Стром рока 2021, котру выголосила баньскобыстріцка Надація Екополіс. Можность запоїти ся тырвать до конця місяця. Змаганя про школы є в збераню голосів за найоблюбенїшы стромы з тогорочной фіналовой дванасткы. Голосованя є отворене про вшыткы тіпы школ. ,,Голосує ся формов простых листків, котры пошлеме школам на выжаданя. Каждый школярь мать єден голос а выбрати сі може хоцькотрого фіналісту,“ повіла манажерка надації Мартіна Громадова з тым, же на першы три школы, котрых школярї будуть брати участь в што найвекшій кількости, чекать одміна в подобі высадьбового матеріалу од єдного з партнерів анкеты у вышцї 500 евр.

(TASR, Шутіова)