Енвіронменталный фонд фінанчно підпорить розвиток верейных водоводів а каналізацій в селах до 2000 жытелїв. Мінімална вышка дотації на проєкт є 500.000 евр а максімална вышка представлює суму пять міліонів евр. Інформовала о тім говоркыня Енвірофонду Михаела Крокова. Вызва є становлена про хранены водогосподарьскы области, як Жітный остров, Стражовскы верьхы, Бескіды і Яворникы, Велика Фатра, западна часть і выходна часть Низкых Татер, верьхнє поводя Іпля, Рімавіцї і Слатїны, Мураньска планина, верьхнє поводя рїкы Гнїлець, Словеньскый крас і Вігорлат. Термін поданя жадости є до 30. септембра, увів Енвірофонд.

(TASR, Шутіова)