x

Сьме родина хоче, жебы міністерство подогосподарства вытворило концепцію потравинарства до року 2020

00

Подля опозічного руху Сьме родина словацькый аґросектор упадать а рівень потравіновой себестачности є в країнї низкый. Словакія притім не має жадну концепцію, як го з той крізы дістати. Представителї Сьме родина зато на прессконференції, яка была у четверь, вызвали Міністерство подогосподарства і розвоя села, жебы пририхтовало концепцію потравинарьства до року 2020. Аґрорезорт але реаґує, же уже актівно робить на підвышіню части словацькых потравин на торгу. Концепція бы подля експерта руху на польногосподарство, Ярослава Карагута мала обсяговати ясный цїль, де бы ся Словацька република мала находити в періодї закінчіня функчного періоду теперїшнёй влады. Сьме Родина аґрорезорту понукло сучінность при выпрацованю той концепції. Сьме родина крітізовало низку потравинову себестачность Словакії. „Себестачность на уровни 35%, є то граніця, котра нам уже днесь не доволює в припадї, даякых погром забеспечіти обжыву жытелїв,“ підкреслив председа руху Боріс Коллар. Причім себестачность в нашім поднебнім пасмі бы мала подля нёго быти на уровни 75%. Інформацію принїс справодайскый портал Teraz.sk.
(Зденка Цітрякова)