Лем 18 процент німецькых воличів бы привітало сучасного канцеларя Фрідріха Мерца як будучого кандідата на тоту посаду. Выходить то із баданя інштітуту Forsa публікованого в понедільок. На основі баданя бы 73 процент звіданых не привітало, кедбы лідер Хрістіаньскодемократічной унії Мерц кандідовав у вольбах у 2029-ім році. І меджі підтримователями його партії а сестерьской Хрістіаньскосоціалной унії было 41 процент проти його кандідатуры, лем 47 процент было за. Мерц, котрый днесь святкує 70 років, бы про 52 процент участників баданя быв ліпшый, кебы быв молодшый. Мерц наступив до функції в маю того року, в октобрі почали протесты проти высловам Мерца, подля котрого його влада оправлює бывшы неуспіхы в міґрачній політіці і досягує проґрес, але проблемов є, як вызерають міста.

(Медвідь, TASR)