Чісло людей із Україны, котрым была в Европскій унії уділена дочасна охрана, досягло в септембрі того року найвысшу уровень за два рокы. Подля Eurostat было схваленых понад 79 тісяч жадостей о дочасну охрану, чо представлює 49-процентне нароснутя в порівнаню із попереднім місяцьом, і іде о найвекшу кількость од авґуста 2023-го року. Eurostat приписує тото народнустя частково рішіню україньской влады, котра кінцьом авґуста уможнила молодым мужам у віці 18 – 22 років опустити країну. Хлопи меджі біженцями в септембрі творили 47 процент, і по першый раз было меджі нима веце хлопів як жен, котры творили 31 процент. Діти творили 22 процент. Кінцьом септембра было в Европі 4,3 міліона україньскых гражданів із штатутом дочасной охраны.

(Медвідь, TASR)