Мадярьско од Сполученых штатів в пятніцю у Вашінґтоні достало на накуп російской ропы і земного ґазу выїмку, котра не є часово обмеджена. Выголосив то у відеу опублікованім в суботу на Facebooku мадярьскый міністер загранічных справ Петер Сійярто в реакції на медіалны справы твердячі, же іде о выїмку платну лем єден рік. Інформує о тім справодайця пресаґентуру TASR в Будапешті. „Каждый, котрый твердить наопак, не быв на їднаню,” підчеркнув шеф мадярьской діпломаціі і додав, же є овельо простіше  ся тых, котры на їднанях были опросити. Про аґентуру AFP представитeль Білого дому по їднанях Орбана з Трампом повів, же Сполучены штаты в пятніцю дали Мадярьску выїмку зо санкцій на накуп російской ропы і ґазу на єден рік.