Нижня палата польского парламенту – Сейм, в понедільок вечур повірив зоставліньом новой влады бывшого премєра і експредседу Европской рады Доналда Туска із Гражданьской платформы. Пополідне Сейм голосовав о довірі кабінету дотеперішнього премєра Матеуша Моравєцького із партії Право і справедливость, котрого презідент Анджей Дуда як номіналного вітяза волеб повірив зоставліньом влады, і кедь было ясным, же в Сеймі не здобуде підпору. Наслідно міг премєра выбрати Сейм, і два а пів годины по невысловліню довіры Моравєцького владі собі выбрав Туска, бывшого премєра з років 2007 – 2014, і експредседу Европской рады з років 2014 – 2019.

(Медвідь, TASR)