Днесь (5.9.) ся у Wave – центрї незалежной културы в Пряшові одбуде Міні фестівал душевного здравя Бодкочарка, котрый орґанізує обчаньске здружіня ІПчко. Фестівал понукне од 15.00 до 22.00 г богатый проґрам діскусій, воркшопів і концертів. Подїя є безплатна а становлена про вшыткых, котры ся інтересують о душевне здравя – ці уж глядають поміч, іншпірацію, або лем безпечный простор, де можуть быти сами собов. TASR о тім за ІПчко інформовала Сабіна Дарґай Ґерова. Фестівал ся одбывать сімболічно пару днїв перед Світовым днём превенції самовбивства (10.9.).  I зато буде подля єй слов ёго носнов думков отвореный і чутливый діалоґ о темах, котры суть часто перевязаны з болїстёв, тихом і чутём, же нїт кінця. ,,Бодкочарка не є конець. Є то павза. Надых. Припомянутя, же і кедь то теперь болить, твоє оповіданя може продовжовати,“ говорить Ленка Квашнякова, ведуча ІПчко Пряшів.

(TASR,  Шутіова)