Америцькый презідент Джов Байден в понедільок одсудив серію ненавистных атак і аґресівного справованя односно Жыдів в Споєных штатах в дослідку посліднього конфлікту меджі Ізраільом і ісламістічным рухом Гамас. Інформовала о тім аґентура AFP. Недавны атакы бы ся подля шефа Білого дому мали одсудити і мусить ся з нима перестати. Поліція в Ню Йорку веде розслідіжіня карных чінів з ненависти по тім, што дакілько людей напало на єдного Жыда в часі, кедь на Таймс Сквер демонштровали проізраільскы і пропалестіньскы демонштранты. Директор америцькой орґанізації Ліґа проти ганобліня Джонатан Ґрінблат повів, же од зачатку остатнього конфлікту меджі Ізраільом і Гамасом дішло в США ку великому нароснутю проявів антісемітьского справованя.

(Медвідь, TASR)