Польща ріхтує  купити ракетовы сістемы од югокорейской сполочности Hanwha Defense. Днесь то увели югокорейскы представителі, котры собі желали остати в анониміті. Пресаґентура TASR інформує на основі справы аґентуры Reuters. Польща мать зо споминанов югокорейсков сполочностьов підписати договор о накупліню ракетометів K239 Čchon-mu (v angl. K239 Chunmoo) тот тыждень. На основі предметного договору додасть Южна Корея 288 ракетометів в сумі шестьох міліярд доларів, написала аґентура Jonhap. (TASR, Pkf)