Французька поліція затримала експрезідента Ніколаса Шаркозі в повязаню із розсліджованьом незаконного фінанцованя його кампані в році 2007. Підозрівають го, же го перед вітязныма выборами фінанчно підпорив режім втогдышнього лібійского лідра Муамара Каддафі. Шаркозі тото тверджіня ниґда не признав. Днесь го із той причіны взяли на выслух в окрайовій части Паріжа Нантерре. Сервер Мediapart уже в році 2012 перед далшыма выборами пришов із інформаційов, же Лібія дала експрезідентови на кампань 50 міліонів евр. Доїднане то мало быти в октобрі 2005-го року при їднаню обидвох держав о накупліню французькых збрані. Лібію втогды навщівив особно Ніколас Шаркозі як втогдышній міністер внутрішніх справ. Інформовала о тім аґентура ČTK.
(Петро Медвідь)