Словацька презідентка Зузана Чапутова достане Ціну цісаря Отта, котру призначує німецьке місто Маґдебурґ. Інформувала о тім  аґентура DPA. Тото  оцініня призначує Културна надація  цісаря Отта особностям, котры “вынятковым способом приспіли к процесу европской інтеґрації, главні позираючі на штаты централной, выходной і юговыходной Европы“. Словацьку презідентку хоче оцінити за єй проевропску орєнтацію і єй приправеность просаджувати правный штат, мір і слободу, ознамило вчера місто Маґдебурґ. Оцініня буде  урочисто одовздане 30-го авґуста 2023-го року в маґдебурскій катедралі, інформує TASR. (TASR, Pkf)