Україньска Централна волебна комісія в неділю офіціалні опубліковала выслідкы першого кола презідентьскых волеб, котры ся одбыли 31. марця. Як інформувала аґентура Укрінформ, до другого кола волеб поступили Володимир Зеленскый, котрый здобыв 30,24 процентів голосів, і з 15,95 процентами  урядуючій презідент Петро Порошенко. Цілковы офіціалны выслідкы  могли быти опублікованы аж потім, як Централна волебна комісія достала в папірьовій формі протоколы од вшыткых волебных комісій.  На основі опублікованых выслідків Централна волебна комісія запропонувала зреалізувати друге коло презідентьскых волеб, котры ся одбудуть в неділю 21. апріля. (TASR, Pkf)