Світове здравотницке згромажіня, котре є орґаном Світовой здравотницкой орґанізації, в понедільок підпорило текст ґлобалного пандемічного договору. За голосовало 124 держав, потірбных было 83 голосів. 11 держав ся стримало голосованя, жадна делеґація не была проти. Словакія ся стримала голосованя. Премєр Роберт Фіцо в понедільок авізовав, же словацька делеґація має наряджіня пандемічный договор не підпорити. За словами премєра договор нарушать прінціп сувереніты членьскых держав і неадекватно засягує до сферы людьскых прав. Наслідно уточнив, же непідпоріня пандемічного договору в практіці значіть голосовати проти або ся стримати голосованя. О тім, же подля рішіня влады не має делеґація Словацькой републікы підпорити пандемічный договор, інформовав Фіцо почас вікенду. Рішіня влады крітікують опозічны партії, але озвала ся і партія Hlas-SD, котра має міністра здравотництва, і їй председа Матуш Шутай Ешток повів, же за міністром, котрый підпоровав договор стоять, ці презідент Петер Пеллеґріні, котрый то означів за збераня домашніх політічных пунктів i неодповідный акт.

(Медвідь, TASR)