x

Штудіюм на приправу будучіх достойників є безплатне

00

Міністерство обраны СР понукать штудентом безплатне штудіюм на трох высокых школах с цільом приправити будучіх достойників озброєных сил. Пресову аґентуру Словацькой републикы о тім інформувала говоркыня Міністерства обраны СР Данка Цапакова. Академія озброєных сил ґенерала Мілана Растіслава Штефаніка є в академічнім року 2018-2019 приправена прияти на штудіюм цілково 124 професіоналных вояків. “І в академічнім року 2018-2019 мають штуденты середніх школ можность приголосити ся на Академію озброєных сил ґенерала Мілана Растіслава Штефаніка, Літецку факулту Технічной універзіты в Кошыцях і Факулту воєнского здравотництва Універзіты обраны Брно із резіденціов в Градці Кралове. Атрактівным бенефітом є окрім іншого і місячный заробок в сумі мінімалного заробітку по цілый час штудія, безплатне стравованя і уквартируваня,“ повіла Цапакова.
(TASR)