Комісарь про діти Йозеф Міклошко вызывать Раду про медіалны службы, жебы переоцінила правила про высыланя рекламы на газард пред 22.00 год. з причіны охраны дітей перед газардом. Повів то у своїм выголошіню в повязаню з множеством реклам на пряму пропаґацію газарду почас высыланя шампіонату в ледовім гокеї. Вызву адресовав і Уряду публічного здравотництва СР а міністрови здравотництва. Міклошко повів, же як комісарь про діти поважує тоту сітуація за неакцептовательну. Пропаґація газарду почас звычайного часу высыланя є за його словами прямов і небезпечнов формов нормалізації ґамблерства в очах дітей і молодых людей. Звернув увагу, же ґамблерство є єднов з найтяжше лічітельных завислостей із важныма дослідками на душевне здоровя, на родину і общество як цілок.

(Медвідь, TASR)