Ґіорґіа Мелоніова, лідерка крайной правіцовой партії Браты Італії (FdI), буде ся снажыти уєдинити свою країну, як буде повірена вытворіньом нового канінету. Повіла то в ночі на днесь в централі свойой партії в Римі, увели то світовы аґентуры. Подяковала ся тыж своїм главным союзникам в кампанії і можным партнерам, без котрых небуде способна вытворити владу: лідрові протііміґрачній Ліґі Маттеові Салвініму і колышньому многократньому премєрові Сілвіові Берлусцоніму, котрый веде партію Вперед Італія (FI). Зо зрахуваня голосів в скоро двох третинах волебных містьтностях выходить, же партія Браты Італії здобыла коло 26 процентів голосів, причім перед штирьома роками то было лем 4,4 процента голосів. Ліґа достала коло 8,5 процента (2018: 17,6) і партія Вперед Італія вісем процентів голосів (2018: 14,4). Участь воличів досягла подля дани міністерства внутра 63,9 процента, што є о девять процентів менше як перед штирьома роками і найменше в новодобій історії Італії. (TASR, Pkf)