Народне центрум здравотницькых інформацій (NCZI) од днешнього рана до середы, 22-го децембра, до 22.00 год. реалізує збераня дат про даня єдноразового фінанчного вкладу здравотницькым робітникам.  NCZI з той прічіны про здравотницькых робітників уж приправило формулар жадостей о вклад. Інформувала о тім говоркыня NCZI Алжбета Сіва. Высшка єдноразового фінанчного вкладу про каждого здравотницького робітника є 350 евр. В пятницю 17-го децембра о тім вырішыла влада. Одмену достануть в децембровім заробітку выплаченого в януарі 2022-го року. Влада СР выділила на тот замірь фінанчны средства у высшку 50.705.746 евр. (TASR, Pkf)