Пряшівска універзіта (ПУ) в Пряшові вчера урочистов подійов одкрыла новый академічный рік 2025/2026. При тій нагоді собі оцiніня за свою актівну діятельность перебрали многы штуденты і робітници. Подія ся за притомности понад 400 гостів з різных областей одбыла в просторах Театру Йонаша Заборского в Пряшові. Міджі гостями быв і председа влады Роберт Фіцо. Пресаґентуру TASR о тім інформовала говоркыня універзіты Марія Дудова-Башістова. ПУ мать скоро 8500 штудентів, штудуючіх в цілково 128 бакаларьскых, 102 маґістерьскых і 87 докторантьскых штудійных проґрамах. З того чісла є приближно 1570 загранічных штудентів. (TASR, Пкф)