Польща є приправена дати Україні свої бомбардеры тіпу MiG-29, увів то вчера польскый презідент Андрзей Дуда, інформувала пресаґентура  PAP. Тота додавка бы ся подля Дуду могла зреалізувати в рамках меджінародной коаліції, котрой подобу шак ближше нешпеціфіковав. Польске літецьтво мать фурт скоро тридесяткы бомбардерів MiG-29, котры были сконштруованы в 70-ых роках 20-го століття в Совїтьскім союзі. В найближшых роках їх планує вычеряти югокорейскыма много цільовыма бойовыма летадлами тіпу FA-50.  Першы зо 48 забештельованых штуків бы мала Польща достати уж тот рік. (TASR, Pkf)