Рада ЕУ про справодливость і внутрїшнї залежности у четверь в Бруселї прияла свою позіцію ку безвізовому путованю про людей, котры мають пасы выданы Косовом. Інформує о тім справодайця TASR. Новы правила уможнять маїтелям косовского пасу путовати до членьскых країн ЕУ без віз на добу побыту 90 днїв в будьякім 180- днёвім періодї. Тот выняток з візовой повинности ся буде уплатнёвати од дня уведжіня до ходу Европской сістемы про путовны інформації і поволїня (ETIAS) або од 1. януара 2024 – подля того, што буде скоріше. Правила, котры схвалили міністры внутрїшнїх дїл, іщі мусить прияти Европскый парламент, покы будуть дефінітівно підписаны і опублікованы в Уряднім вестнику ЕУ.

(TASR, Шутіова)