x

До вічности оддыйшов Мілан Ласіца

00

Словакія втратила єдну з найвыразнішых особности културного і верейного жывота. В реакції на вчерайше вмертя Мілана Ласіцу то на соціалній сіті увела презідентка СР Зузана Чапутова. Глава штату підчеркла, же творчість словацького гумористу, драматіка, прозаіка, текстара, герця, режисера, модератора і співака буде патрити до златого фонду словацького уміня. Згодно припомянула окрім іншого, же то, на што мають найуспішнішы коміци світа цілы тімы сполуробітників, Ласіца доказав вытворити в сполупраці з Юліюсом Сатінскым і так само сам. Подля презіденткы мав дар як нихто іншый говорити і робити справны справы тым найліпшым і найзабавнішым способом і своїм уміньом приносити людьом радість. (TASR, Pkf)