24-го децембра на засіданю сербского владного кабінету было прияте рішіня о призначіню Олены Папуґы за державного секретаря Міністерства про людьскы права, права меншын і соціалный діалоґ. Папуґа є довголітня русиньска політічка, членка Націоналного совіту Русинів в Сербії. Од 2008-го до 2020-го року была і депутатков парламенту в Белеграді за партію Ліґа соціалдемократів Войводины. Вызначну політічну функцію їй теперь сербска влада схвалила і напарек тому, же їй партія не дістала ся по вольбах в тім році до парламетну. Почас своїх каденцій в парламенті была членков выборів, котры рішыли справы народностных меншын. Од 2009-го року є Папуґа членков Націоналного совіту Русинів, де кандідовала за здружіня Русиньска ліґа. В тім році была у вольбах зволена і за депутатку Скупштины автономной покраїны Войводина.

(Медвідь)