x

Закон о реґіоналній інвестічній помочі має три цїлї

00

В реакції на закон, якый тот тыждень одобрив парламент увів председа влады Роберт Фіцо, же новый закон о реґіоналній інвестічній поможі має три цїлї, а то одстранёваня реґіоналных роздїлів, далше наростаня платів і жебы Словакія была модернов економіков. „Переписуєме історічны чісла, покы іде о незаместнаность і заместаность. Барз обєктівно але мусиме повісти, же такый розвиток не є тіпічный про цїлу Словакію. Суть части Словакії, котрым ся дарить дуже добрї, а суть части Словакії, одкы люде одходять за роботов. Сьме свідками вылюднёваня сел, сьме свідками некомлетных родин, а якраз леґіслатіва, котру теперь представлюєме, має реаґовати на тоты тренды. Має то быти леґіслатіва, котра має подстатно лїпше „шыти“ підпору інвестіцій про конкретны реґіоны, котрым таку поміч найвеце треба“, повів председа влады Роберт Фіцо. Подля міністра господарства Петра Жыґу суть інвестічны стімулы макроекономічный настрой, котрый пожывають влады на то, жебы усмернёвали подникательске окружіня у своїм штатї. З навргу закона выходить, же условієм інвестічной помочі інвесторам на Словакії уже не буде творба робочіх міст у выробі. „Ід засандым змінам належить выпущіню пожадавкы творбы робочіх місць в промысловій выробі. В области технолоґічных центер і центер подниковых служеб было награджене условіє заместнаня подїлу высокошколскы ерудованых людей условієм выплачованя высшых як прємерных платів в данім окресї“, упозорнило міністерство господарства. У звязї зо змінов леґіслатівы было приятых іщі дакілько далшых змін.
(TASR)