На реконштрукцію своїх просторів выужыло період пандемії Словацьке народне музеюм – Музеюм русиньской културы в Пряшові. Находить ся  в будові бывшых воєньскых  касарні, котры суть подля слов його діректоркы Любы Кральовой невгодны і потребують комплексну реконштрукцію.  Як повіла, подарило ся їм зреконштруовати єдну часть музея, і то сподок будовы, де были вытворены модерны выставны просторы, в сумі скоро 150.000 евр. Окрім іншого к выставці о ґрекокатолицькій церькви прибыла в часі пандемії і выстава о православній церькви. Простор в котрім є наіншталована, перейшов тыж реконштрукційов.“Од септембра 2022-го рока маме на першім штоку отворену выставу з назвом З історії Русинів. Протів є дїтьскый кутик, містьтность є шак обложена деревовинов, што є барз неестетичне,“ говорить дале Кральова. Музеюм дало проєкт на Пряшівськый самосправный край і хоче в споминанім просторі зреалізувати нову безперерывну выставу З історії Театру Александра Духновича. На ходбі першого штоку бы хотіли тыж зробити выставу о історії Піддукляньского умелецького людового колектіву. Як дале доповнила Кральова, же потребували бы але зреконштруовати цілу будову, котра є в барз злім ставі. За єй словами предпокладана сума потрібна на єй реконштрукцію є  у вышці 7.000.000 евр. (TASR, Pkf)