У Высокых Татрах зачали тот місяць з іншталаціёв шпеціалных студнічок на одпад, роботы потырвають до осени. Про TASR то потвердив ведучій одбору окремого становлїня Справы Татраньского народного парку (ТАНАП) Петер Дзурілла з тым, же станічкы бы мали покрыти веце місць крізь окрес Попрад. ,,Цїлкова кількость станічок є 116, іде нам о їх стратеґічне розміщіня в рамках окресу, зато сьме ся намагали запоїти што найвекшу кількость сел і сполупрачуючіх субєктів“, повів Дзурілла.  Доповнив, же станічка є пропонована і рїшена як розоберательна оцелёва конштрукція, зготовлена з тіпізованых сеґментів. Вшыткы станічкы бы притім мали сповняти і нормы тзв. зеленой архітектуры, в змыслї новелізації закона о охранї природы і країны. Окрем станічок прибуде в реґіонї і 113 забезпеченых кововых контайнеровых стоїск. Головным цїлём проєкту є подля енвірорезорту превенція находжіня медвідя гнєдого в близкости людей і людьскых обысть, а то формов забезпечіня одпаду.

(TASR, Шутіова)