В Австрії зачали днесь платити мірнішы рештрікції в боротьбі з пандемійов нового коронавірусу. Як пише денник Die Welt, отворили ся меншы склепы ці наприклад ставебнины. Австрійскый канцеларь Себастіан Курц в суботу оголосив, же з економічного погляду хотять крізу здолати штонайскоріше і войовати о кажде робоче місце в Австрії. Отворены суть одднес склепы до 400 метрів квадратных, но платять строгы гіґєнічны условії – кількость особ, котры можуть вступити до обходу є обмедженый на єдну особу на каждых 20 метрів квадратных. Заказници мусять мати маскы і дотримовати діштанцію. В далшій фазі од 2-го мая бы могли быти знова одкрыты і накупны центры, векшы обходы і голічства. Подля Курца бы ся рештаврації могли знова зачати одкрывати од половины мая.

(Медвідь, TASR)