Жытелі Европской унії (EÚ) чують Польшу як главного додавателя помочі про войновых утеченців з Україны. Выходить то з дослідженя в девятьох членьскых країнах  EÚ, котрого оґанізатором быв і польскый інштітут про дослідженя торгу і сполочности IBRiS. Скоро 29 процент вшыткых респондентів назвало Польщу як країну, котра україньскым утеченцям помагала найвеце. На другім місці є Німецько, котре означіло 13,4 процента опрошеных і потім Італія, котре увело 11,2 процента респондентів. Наспак за країны, котры україньскым утеченцям помагали найменше, суть поважованы Ціпрус, Данія, Ірландія, Лотішско, Латвія, Луксенбурско, Малта Словакія і Словенія. Споминаны країны назвало асі 0,2 процента опрошеных. Дослідженя ся одбыло у Франції, Ґреції, Голандії, Німецьку, Польщі, Портуґалії, Австрії, Іспанії і Італії на переломі новембра і децембра на взорці 1000 дорослых жытелів. (TASR, Pkf)