Уж лем остатнїй тыждень мають інтересуючі на запоїня ся до дотачной схемы Пряшівского самосправного края (ПСК), в котрій самосправа планує роздїлити 2,4 міліона евр. Подаваня жадостей ся запре в недїлю 1.фебруара. Запоїти ся можуть села, міста, незісковы орґанізації, обчаньскы здружіня ,реґістрованы церькви ці фізічны або правницькы особы. TASR о тім інформовала говоркыня ПСК Даша Єленёва. Три вызвы в цїлковім обємі 2,4 міліона евр выголосив ПСК іщі 1. януара. Конкретно Вызву посланцїв ПСК з алокаціёв 1,95 міліона евр, вызву Партіціпатівный розрахунок в обємі 390.000 евр а вызву Рїшіня потравиновой доступности у вышцї 60.000 евр. ,,Ґрантовый проґрам края є важным інштрументом підпоры розвитку нашых реґіонів. Помагать селам, орґанізаціям і актівным людём реалізовати проєкты, котры злїпшують каждоденный жывот на теріторії – ці уж іде о комунітны актівіты, соціалну поміч, шпорт, културу або доступность основных служеб, як є рішіня потравиновой доступности. В актуалній дотачній схемі цїлиме зась і на здравотництво ці на роботу з дїтми і молодежов,“ увів председа ПСК Мілан Маєрьскый.

(TASR, Шутіова)