Нову експозіцію Лїкарень У Божого ока приготовив Выходословацькый музей в Кошіцях. Приближує історію лїкарництва а традічну роботу лїкарьників в автентічнім історічнім середовищу а навщівници ю найдуть в просторах бывшого Дому ремесел на Грнчарьскій уліцї. По четверёвім святочнім отворіню буде про публіку доступна од днесь (30. 1.). Як інформовав музей, експозіція надвязує на знаму єзуітьску лїкарню У Божого ока, котра дїяла в центрї Кошіць уж од року 1660 а належала меджі найвызначнїшы здравотницкы інштітуції міста. Навщівници будуть мати можность попозерати до світа історічной лїкарьнї посередництвом веце як 200- рочного первісного мобіліару, котрый належав меджі найцїннїшы дохованы буторовы комплексы свого тіпу на выходї Словакії.

(TASR, Шутіова)