Желїзнічна сполочность Словеньско у четверь офіціално спустила до ходу три новы електрічны двойштоковы влаковы суправы. Яздити будуть на фреквентованых штреках западного Словеньска, з Братїславы до Тренчіна а до Новых Замків. Подля слов ґенералного директора ЗССК Петра Гелексу будуть пізнїше, по модернізації приналежной штрекы, яздити аж до Жіліны. Влаковы суправы в годнотї приближно 75 міліонів евр были граджены з европскых фондів. Подля ґенералного директора ЗССК є капаціта новых влаковых суправ порівнательна з найвекшыма транспортныма летадлами.

(TASR, Шутіова)