Спискы кандідатів на єднотливы місця в селах ці містах найдуть воличі на їх інтернетовых сторинках, як їх мають вытворены, як і на урядній таблиці села ці міста. Міністерство внутра СР (МВ СР) їх на своїй інтернетовій сторинці неопублікує. Попередила на то шефка одбору волеб, референдума і політичных партій МВ СР Ева Хмелова. Спискы кандідатів на посланців крайскых заступітельстев і кандідатів на председів самосправных країв найдуть воличі на інтерентовых сторинках єднотливых країв. Воличі собі мусять давати позір на то, же ся дакотры кандідаты могли вздати, але на голосуючім листку будуть уведжены. Вздати ся кандідатуры є мож до четверга 27-го октобра до 7.00 год. Споєны вольбы ся одбудуть в суботу 29-го октобра. Волебны містьтности будуть одкрыты од 7.00 до 20.00 год. (TASR, Pkf)