У селі Петковці в окресі Вранов над Топльов люде вчера вечур зажыли торнадо, котре пошкодило сім домів. Про пресаґентуру TASR то повів староста села Павол Гібала. На місці помагають гасічі. Як повів операчный робітник Крайской дирекції Гасічского і захранного збору в Пряшові, наголошены были штири  родинны домы, котрым взяло стріху. Поламаны суть стромы, сторгнуте є електричне веджіня і загатаны суть драгы. Подля Гасічского і захранного збору на місці є  20 професіоналных і добровольных гасічів, котры ліквідують попаданы дерева і части стріх з драг. Пошкоджены стріхы перекрывають плахтами. (TASR, Pkf)