Родічі можуть з причіны такзваного родинного паклика платити в матерьскых школах і основных умелецькых школах веце. Твердить то ексміністер школства і підпредседа опозічной партії SaS Браніслав Ґрылінґ. Вказав на то, же їх фінанцують міста і села, котрым родинный паклик возьме коло 400 міліонів евр. При сучасній сітуації є зато подля нього потребне пересунути фінанції з еврофондів подобно як в пандемії. Другым рішіньом є подля ексміністра переоцінити паклик і вернути грошы містам і селам.

(Медвідь, TASR)