Надзвычайный посол США про мірны їднаня меджі Сербійов і Косовом Річард Ґренелл в понедільок оголосив, же тоты дві балканьскы державы суть согласны зо стрічов 27-го юна в Білім домі, з цільом продовжовати в їднанях. Інформовала о тім аґентура AFP. Покля будькотра із сторон не буде спокійна з юновыма розговорами, по навернутю з Вашінґтону подля Ґренелла вернуть ся назад ку сучасному стану. Стрічу затля не потвердила ани єдна держава, і кедь косовскый презідент Гашім Тгачі на сіті Twitter запрошіня на стрічу привітав. Сербскый презідент Александар Вучіч уж скоріше в понедільок непрямо повів, же бы „не вылучів можливость“ іти до Вашінґтону, но перед тым має абсолвовати навщіву Москвы.

(Медвідь, TASR)